1. Ерөнхий
Энэхүү нөхцөл нь www.datatraders.app болон app.datatraders.app вэбсайт, програм, үйлчилгээ (цаашид "Үйлчилгээ")-г ашиглахад хамаарна. Үйлчилгээг ашигласнаар та энэхүү нөхцөлийг зөвшөөрч байна.
2. Үйлчилгээний агуулга
DATATRADERS нь арилжааны боловсролын зорилготой өгөгдөл (COT, Seasonal, GEX гэх мэт), хэрэгсэл (Replay, Trading Journal, туслах апп), хичээл, нийгэмлэгийн үйлчилгээ санал болгоно. Үйлчилгээ нь санхүүгийн, хөрөнгө оруулалтын зөвлөгөө биш.
3. Нас
Үйлчилгээг 18 ба түүнээс дээш насны хүн ашиглана.
4. Аккаунт
Та Google, Discord эсвэл имэйлээр бүртгүүлнэ. Аккаунтын мэдээллээ үнэн зөв байлгаж, нууцлалаа хамгаалах үүрэгтэй. Аккаунтыг бусадтай хуваалцахыг хориглоно; нэг аккаунтыг зэрэг 2 төхөөрөмж хүртэл ашиглана.
5. Багц ба төлбөр
- Free, DataPro, DataPro Plus багц болон GEX indicator-ын үнэ, багтах зүйлсийг сайтад нийтэлсэн байдлаар мөрдөнө.
- Төлбөрийг QPay, SocialPay, картаар ₮-өөр төлнө. USD үнэ зөвхөн лавлагаа.
- Сар бүрийн гишүүнчлэл картаар төлсөн үед автоматаар сунгагдана; бусад аргаар төлсөн үед хугацаа дуусахаас өмнө сунгалтын нэхэмжлэх илгээнэ.
- Founding Member-ийн үнэ (DataPro, эхний 55 гишүүн, 33,000₮/сар) гишүүнчлэл тасралтгүй үргэлжилж байгаа үед хадгалагдана. Гишүүнчлэл 6 сараас дээш хугацаагаар тасарсан тохиолдолд дахин нэгдэхэд жирийн үнэ үйлчилнэ.
- GEX-ийн нээлтийн үнэ (50,000₮/сар) 2027-02-01 хүртэл хүчинтэй; дараа нь бүх хэрэглэгчид 100,000₮/сар болно. Үнийн өөрчлөлтийг 2–4 долоо хоногийн өмнө мэдэгдэнэ.
- Цуцлах: та хүссэн үедээ цуцалж болно; төлсөн хугацаа дуустал эрх хэвээр.
6. Оюуны өмч
Сайт, хичээл, бичлэг, индикатор (Volume болон time based индикаторууд, GEX гэх мэт), програм, текст, дизайн нь DATATRADERS-ийн өмч. Зөвхөн хувийн хэрэглээнд ашиглана. Хуулбарлах, дахин түгээх, худалдах, бичлэгийг татах, тараах, урвуу инженерчлэл хийхийг хориглоно.
7. Туслах апп ба татаж авах файл
Програмууд "байгаа хэвээр" (as is) олгогдоно. Та өөрийн компьютерт суулгах, ашиглах эрсдэлийг хариуцна. DATATRADERS MT5 Freezer нь сахилга батын туслах хэрэгсэл: нээлттэй позицтой үед түгжихгүй байх нь хэрэглэгчийн үүрэг; түгжигдсэн хугацаанд позиц удирдах боломжгүйгээс үүссэн хохирлыг DATATRADERS хариуцахгүй. Risk Manager-ийн тооцоо брокерын нөхцөлөөс хамаарч зөрж болно.
8. Өгөгдлийн үнэн зөв байдал
COT өгөгдөл CFTC-ийн нийтэлсэн тайлангаас, үнийн өгөгдөл гуравдагч эх сурвалжаас авагдана. Хоцрох, алдаатай байх, тасрах боломжтой. Дүрэм болон AI-д суурилсан дүн шинжилгээ нь зөвлөмж биш.
9. Хориглох үйлдэл
Үйлчилгээг хууль бус зорилгоор ашиглах, хандалтын хамгаалалтыг тойрох, автомат хэрэгслээр өгөгдөл их хэмжээгээр татах, бусдын аккаунтыг ашиглах, үйлчилгээний хэвийн ажиллагаанд саад учруулахыг хориглоно.
10. Хариуцлагын хязгаар
Хуулиар зөвшөөрөгдсөн хэмжээнд DATATRADERS нь Үйлчилгээг ашигласнаас үүссэн арилжааны алдагдал, шууд бус хохирлыг хариуцахгүй. Хариуцлагын дээд хэмжээ нь сүүлийн 3 сард таны төлсөн дүнгээс хэтрэхгүй.
11. Эрх хязгаарлах, цуцлах
Нөхцөл зөрчсөн тохиолдолд аккаунтыг түр хаах эсвэл цуцалж болно.
12. Өөрчлөлт
Нөхцөлийг шинэчилж болно; чухал өөрчлөлтийг сайт болон имэйлээр мэдэгдэнэ.
13. Хууль, маргаан
Монгол Улсын хууль тогтоомжоор зохицуулна. Маргааныг эхлээд харилцан тохиролцоогоор, шийдэгдэхгүй бол Монгол Улсын холбогдох шүүхээр шийдвэрлэнэ.